«Հյուսիս-հարավ ճանապարհային ծրագիր» Պետական Ոչ Առևտրային Կազմակերպություն

ՀՀ տրանսպորտի և կապի նախարարն այցելեց Հյուսիս-հարավ ճանապարհի շինարարական տեղամասեր


ՀՀ տրանսպորտի և կապի նախարարն այցելեց Հյուսիս-հարավ ճանապարհի շինարարական տեղամասեր 27.09.2016

ՀՀ տրանսպորտի և կապի նախարար Վահան Մարտիրոսյանը սեպտեմբերի 27-ին այցելեց «Հյուսիս - հարավ ճանապարհային միջանցքի ներդրումային ծրագրի» Տրանշ 2-ի Աշտարակ - Թալին, Տրանշ 3-ի Թալին - Լանջիկ (18,7 կմ) և Լանջիկ - Գյումրի (27,5 կմ) ճանապարհահատվածներ, որտեղ լայնածավալ ճանապարհաշինական աշխատանքներ են ընթանում։

 Ճանապարհի Աշտարակ - Թալին հատվածում «Հյուսիս - հարավ ճանապարհային միջանցքի ներդրումային ծրագրի իրականացման կազմակերպություն» ՊՈԱԿ-ի գլխավոր գործադիր տնօրեն Արթուր Սարգսյանը նախարարին ներկայացրեց իրականացվող աշխատանքների ընթացքը։

 Տրանշ 3-ի Թալին - Գյումրի ճանապարհի Թալին - Լանջիկ և Լանջիկ - Գյումրի ճանապարհահատվածներում, որտեղ ներկայում իրականացվում են հողային աշխատանքներ, ճանապարհի լայնացում, արհեստական կառուցվածքների շինարարություն, նախարարը զրուցեց ճանապարհաշինարարների հետ, հետաքրքրվեց աշխատանքների կատարման ընթացքում առաջ եկած դժվարությունների մասին։

 Թալին - Լանջիկ և Լանջիկ - Գյումրի ճանապարհահատվածների շինարարությունն իրականացնող չինական «Սինոհիդրո Քորփորեյշն Լիմիթեդ» ընկերության աշխատանքային բազայում, որտեղ տեղակայված է նաև բետոնի գործարանը, տեխնիկական հսկողություն իրականացնող «Սպեա Ինջենյերիա Ս.պ.Ա և Այ-Ար-Դի Ինջինիրինգ Ս.ր.Լ» ՀՁ-ի» գլխավոր ինժեներ Բորիս Սպասովը նախարարին ներկայացրեց վերահսկողական աշխատանքների ընթացքը։ Ճանապարհի վերակառուցման և բարելավման աշխատանքներն իրականացնող կապալառու չինական «Սինոհիդրո Քորփորեյշն Լիմիթեդ» ընկերության ծրագրի ղեկավար Ջու Շաոչինն էլ նախարարին ներկայացրեց շինարարական աշխատանքներն ու հետագա անելիքները։

«Հյուսիս - հարավ ճանապարհային միջանցքի ներդրումային ծրագիրը» խոշոր ենթակառուցվածքային ծրագիր է, որի նպատակն է միջազգային բարձր չափորոշիչներին համապատասխան 560 կմ ընդհանուր երկարությամբ Մեղրի - Երևան - Բավրա ավտոճանապարհի միջոցով երկրի հարավը կապել հյուսիսի հետ՝ կրճատելով այն շուրջ 90 կմ-ով և հասցնելով մինչև 470 կմ-ի։

« Վերադառնալ ցանկ
© 2021. Բոլոր իրավունքները պատկանում են «Հյուսիս-հարավ ճանապարհային միջանցքի ներդրումային ծրագիր» ՊՈԱԿ -ին:
Հասցե՝ ք. Երևան, 0010, Տիգրան Մեծի փող., 4 շենք, 3-րդ հարկ, հեռ.՝ /374 12/ 20 10 09, 20 10 10